Udaren atarian, ekainaren 18an, ez-ohiko berriarekin esnatu ginen Donostian:

“46 errefuxiatu ezerezean gelditu dira Donostiako autobus geltokian”

Tokiko hainbat hedabideek adierazi zutenez, Gurutze Gorriak jaso zituen geltokian botata gelditu ziren 46 etorkinak. Andaluziatik Frantziara bidean zihoazen, baina ustekabean eta inongo aurre-oharpenik gabe, Donostian utzi zituzten, noraezean.

Tamalez, hau gutxi ez eta orain astebete, Irungo tren geltokian mugan arbuilatuak izan ziren hamarnaka errefuxiatuk kalean lo egin behar izan zuten. Bi kasuak Gipuzkoan eman dira eta Udal Gobernuek ez zuten erantzun azkarrik emateko gaitasunik izan.

Gerora, azken asteetan oso entzutetsua izan den gaiak agerian utzi du instituzioek pertsona hauei oinarrizko zerbitzuak eskaintzeko gaitasun eza. Hori dela eta, lehenik Irungo Lakaxita gaztetxean, eta orain Txantxarreka Antiguako gaztetxean “errefuxiatuak seguru sentitu eta haien beharrak asebetetzeko aterpe bihurtu dituzte eraikinak”.

Ildo berean, azken egunotan ikusgai dagoen “En Euskadi bienvenidos se dice Ongi etorri” Eusko Jaurlaritzaren kanpaina mediatikoak ere herritarren erantzuna jaso du leloan bertan:

Urrutitik iristen badira ere, errefuxiatuak Euskal Herrian dira, errealitate bihurtzen ari da kalean eta herritarrak hasi dira erantzuna ematen. Baina, beste behin, non dira instituzioak? Momentuko iritsierarik bada, gai al dira erantzun duin bat emateko? Zein behar du euren egitekoa?

Orain artean erantzun eskasia eta antolaketarik gabea besterik ez da hauteman herritarren artean eta horrela erantzun dute:

Bilbo zaharreko auzokideek aldaketa “txiki” bat egin diote Eusko Jaurlaritzaren kanpaina turistikoaren leloari:

Here “ongi etorri” means welcome… refugees! pic.twitter.com/c1MxuII2Uy

— Malcolm iXa (@ideiazabaldu) 2018(e)ko abuztuaren 4(a)

https://platform.twitter.com/widgets.js

Euskadik ez ditu turistak etxera bidaltzen, baina errefuxiatuak kale gorrian uzten ditugu.
When @irekia says “Ongi etorri” it means “OPPORTUNISM” #ongietorrierrefuxiatuak https://t.co/Gl9ucEiWmb

— Искра 🔻#UHP 🇵🇸 (@Iskra81) 2018(e)ko abuztuaren 2(a)

https://platform.twitter.com/widgets.js