Mundua itsaso balitz, itsas-bizidun handienetariko batzuk lirateke gaur egun munduko ekonomia martxan darabilten enpresak. Burtsak islatzen dituen indizeak gorabehera, 800 milioi erabiltzailek elikatzen dituzte enpresa hauek egunero, milioika dolar ahoratuz, organismo aseezinak bilakatu direlarik.

Halabaina, 2014ko Urrian Facebook eta Applek haien emakume haurdunei obuluen izoztea finantziatuko ziela iragarri zuten, euren lan prozesua geldi ez dadin. NBCk aparteko berritzat jo bazuen ere, sekulako iskanbila sortu da Ipar Amerikan eta baita gainontzeko herrialdeetako komunikabideetan ere.

Baina, zer dago guzti honen atzean? “El tiempo vale oro” esapidea asko gustatzen ez zaidan arren, euts diezaiogun mementu batez horri.

Enpresa hauen bihotz taupadak irmotu eta azkartu egin dira, langileen lan-ordu eskaintza luzatuz. Mesedea zirudien aurkezpenak derrigorkeri kutsua hartu duenaren susmoa dut; proiektuaren prozesua bertan behera geldi ez dadin, emakumeen obuluak izoztu eta hardunaldia atzeratuz. Etikoa al da? Zein da lana eta bizitza bereizten duen hesia? Zuena hitza!